من منطلق مبدأ نأمن بيه شخصيا الي هو لا للأحكام المسبقة ولي الباهي والخايب موجود في كل بلاصة، الي باش نقولو مانحبكمش تاخذوه كقاعدة عامة تطبق على العباد الكل أو الرادسات الكل، فهو تجربة شخصية لا أكثر عشتها مع زوز رادسات في هالبلاد: العرب و الڨورّة.
هيا نبداو بمتاعنا:
كيما تعرفو في كل بداية سنة جامعية يزداد طلب الشقق من طرف الطلبة ونتيجة لذلك تغلى الأسعار متاع الكرى ويلقى بعض الطلاب صعوبات في إيجاد مسكن.
ومن منطلق الناس بالناس والناس بالله، كيف الواحد ينجم يعاون مافيها باس.
المرة هاذي طلب مني ولد من اصل جزائري باش نديپانيه جمعة من زمان باش ينجم يلقى سكن، وافقت خاصة واني نعرف الطفل نضيف وزيد الدروس مازالت مابداتش دونك ما فما حتى مشكل باش نديپانيه في العشرين متر مربع متاعي. هيا جا سي وخينا وجاب دبشو، من غدوة قالي الي خوه التوأم باش يجي لانو ظهر في آخر وقت انو باش يقرا في نفس الكلية متاع خوه، اي طلب مني إذا كان مايقلقنيش يكمل يجي خوه التوأم، هيا قلت ميسالش اش باش نعملولو باس نقبلو هو وخوه لا؟
هيا جا خوه وبداو يفركسو في مسكن.
اكتشفت انهم مصلين وحتى انهم مايفلتوش صلاة العشاء في الجامع، يخرجوا عقاب اليل في هاك السقنطري باش يصليوا وفاليل يقعدو معا بعضهم في القاعة ويشدوا المصحف ويحلولي كتّاب، منظر فيهم يضحك...
فهمت انو من باب الاحترام انو حتى كان عندي برامج متاع بلعات مع الاولاد ولا هاك الحاجة الانسانية باش تتاجل الى موعد غير مسمى...ولكن مازلت ماقلقتش الى حد الآن(شوفوا قداش متسامح ومنفتح هههه).
مع الايام لاحظوا اني مانصليش، عملولي الملاحظة علاش ماتصليش وكان جوابي تمهميه متاع اخطاني ماعينيش حتى باش نحكي في الموضوع. حسيت اني ظهرتلهم في طريق الظلالة ولازم باش يرجعوني للطريق المستقيم، وكان كذلك! تآمروا عليا وعقدوا العزم باش يعملولي حصة نفخ وإرشاد كل ليلة وكل مانقول كلمة نندم قد صبري في الدنيا الي خرجتها خاطر نكونوا في موضوع ندخلو في موضوع آخرواش يحزها! وليتش نسرق في حشيشتي معاهم؟
مانحكيلكمش عاد على الجو متاع استنى دورك كل صباح باش تدوش وباش تتبول ههه وشكون باش يهز المفتاح ليوم وانتي وقتاش تروح باش نلقا شكون في الداروتجي تضرب على حاجة فالفريڨو تلقاها طارت الخ الخ...
هيا سيدي الجمعة الولة، الثانية، الثالثة، ماحبيتش نظهرلهم الي انا نستنى بالدقيقة والدرج وقتاش يڨلبوا ونحل فيها ساقيا، شهر ثنين، شعملتو؟ والله لقينا اما غالي، والله لقينا اما بعيد عالفاك، ايا في الشهر الثالث ماعادش فيها تشجّعت وقلتلهم راهو صاحبتي عندي برشة ماعديتش معاها وقيت وكيما تعرفو مانيش باش نجيبها ونتوما هنا ولذا كان ما يقلقكمش شوفو مسكن ولا شكون يديپانيكم وكان تحبو خليو دبشكم ونشاء الله ماتتغشّوش مني. الحقيقة أبداوا تفهّمهم وتحركوا شوية... حاصيلو ماخرجوا كان في آخر الشهر الرابع وما خلصوا لا فاتورة ستاڨ الضوء ولا ستاڨ الماء رغم اللي عندهم بورس ويعرفوا اللي انا طالب تونسي ولا عندي بورس ولا هم يحزنون، ما طلبت منهم شي اعطيني يخرجوا بركة.
فما حاجات اخرى عند العرب (اللي نعرفهم) لاحظتها كيما واحد يحب يجيى يعمل معاك قعيدة وانتي تبدا متضايق في الوقت وماكش فاضي وكيف تقلو يتنبز ويحسها محقرانية، ولا زاد في قعدة في بار ولا في قهوة لازم واحد يخلص عالكل ماكانش مش لازم الي هي مش نفس العادات مع الڨورّة واللي نحكيلكم شصارلي معا البعض منهم المرة الجاية.
هيا نبداو بمتاعنا:
كيما تعرفو في كل بداية سنة جامعية يزداد طلب الشقق من طرف الطلبة ونتيجة لذلك تغلى الأسعار متاع الكرى ويلقى بعض الطلاب صعوبات في إيجاد مسكن.
ومن منطلق الناس بالناس والناس بالله، كيف الواحد ينجم يعاون مافيها باس.
المرة هاذي طلب مني ولد من اصل جزائري باش نديپانيه جمعة من زمان باش ينجم يلقى سكن، وافقت خاصة واني نعرف الطفل نضيف وزيد الدروس مازالت مابداتش دونك ما فما حتى مشكل باش نديپانيه في العشرين متر مربع متاعي. هيا جا سي وخينا وجاب دبشو، من غدوة قالي الي خوه التوأم باش يجي لانو ظهر في آخر وقت انو باش يقرا في نفس الكلية متاع خوه، اي طلب مني إذا كان مايقلقنيش يكمل يجي خوه التوأم، هيا قلت ميسالش اش باش نعملولو باس نقبلو هو وخوه لا؟
هيا جا خوه وبداو يفركسو في مسكن.
اكتشفت انهم مصلين وحتى انهم مايفلتوش صلاة العشاء في الجامع، يخرجوا عقاب اليل في هاك السقنطري باش يصليوا وفاليل يقعدو معا بعضهم في القاعة ويشدوا المصحف ويحلولي كتّاب، منظر فيهم يضحك...
فهمت انو من باب الاحترام انو حتى كان عندي برامج متاع بلعات مع الاولاد ولا هاك الحاجة الانسانية باش تتاجل الى موعد غير مسمى...ولكن مازلت ماقلقتش الى حد الآن(شوفوا قداش متسامح ومنفتح هههه).
مع الايام لاحظوا اني مانصليش، عملولي الملاحظة علاش ماتصليش وكان جوابي تمهميه متاع اخطاني ماعينيش حتى باش نحكي في الموضوع. حسيت اني ظهرتلهم في طريق الظلالة ولازم باش يرجعوني للطريق المستقيم، وكان كذلك! تآمروا عليا وعقدوا العزم باش يعملولي حصة نفخ وإرشاد كل ليلة وكل مانقول كلمة نندم قد صبري في الدنيا الي خرجتها خاطر نكونوا في موضوع ندخلو في موضوع آخرواش يحزها! وليتش نسرق في حشيشتي معاهم؟
مانحكيلكمش عاد على الجو متاع استنى دورك كل صباح باش تدوش وباش تتبول ههه وشكون باش يهز المفتاح ليوم وانتي وقتاش تروح باش نلقا شكون في الداروتجي تضرب على حاجة فالفريڨو تلقاها طارت الخ الخ...
هيا سيدي الجمعة الولة، الثانية، الثالثة، ماحبيتش نظهرلهم الي انا نستنى بالدقيقة والدرج وقتاش يڨلبوا ونحل فيها ساقيا، شهر ثنين، شعملتو؟ والله لقينا اما غالي، والله لقينا اما بعيد عالفاك، ايا في الشهر الثالث ماعادش فيها تشجّعت وقلتلهم راهو صاحبتي عندي برشة ماعديتش معاها وقيت وكيما تعرفو مانيش باش نجيبها ونتوما هنا ولذا كان ما يقلقكمش شوفو مسكن ولا شكون يديپانيكم وكان تحبو خليو دبشكم ونشاء الله ماتتغشّوش مني. الحقيقة أبداوا تفهّمهم وتحركوا شوية... حاصيلو ماخرجوا كان في آخر الشهر الرابع وما خلصوا لا فاتورة ستاڨ الضوء ولا ستاڨ الماء رغم اللي عندهم بورس ويعرفوا اللي انا طالب تونسي ولا عندي بورس ولا هم يحزنون، ما طلبت منهم شي اعطيني يخرجوا بركة.
فما حاجات اخرى عند العرب (اللي نعرفهم) لاحظتها كيما واحد يحب يجيى يعمل معاك قعيدة وانتي تبدا متضايق في الوقت وماكش فاضي وكيف تقلو يتنبز ويحسها محقرانية، ولا زاد في قعدة في بار ولا في قهوة لازم واحد يخلص عالكل ماكانش مش لازم الي هي مش نفس العادات مع الڨورّة واللي نحكيلكم شصارلي معا البعض منهم المرة الجاية.
يا والله حوال. مسكين. ذكرتني بجماعة صحابي. توانسة المرّة هاذي. كنا نسكنوا مع بعضنا. عاد فينا شكون يصبي و ربي هاديه أما كثّرلها من التقوى. نهار مشيت للكنيسية. حبيت نحضر معاهم. الراجل كي سمع هبل. و مرة أخرى شريت شجرة بابا نوال يا خي عاد فاض الكأس بالنسبة ليه و قالي "انت كافر توّا. لازمك تمشي معايا للجامع تعاود تشهد قدام للإمام" و قعد على أعصابو ليلة كاملة
RépondreSupprimerأما خلاص القهوة فخلّي و لا حرج. خوك وين نخرج مع جماعة يدّي تبدى على قلبي. بما انهم هوما كل مرة يخلص واحد، لا بد يجي نهار و انخلص أنا و المشكلة اللي هاذوما قاعداتهم ما تنزلش من تحت 70 دينار أقل حاجة.