اسكت، اسكت يا صوت
اسكت ماكثر حسّك وانت كي نزوة عند مكبوت
ماعاد راسي يطاوق ملام، ماعاد لايم الدنيا على بخوت
اسكت ما يفيد كلام، سكّر! حكمت عليك اعدام وبنيتلك في قلبي تابوت
امثالك ماليلهم كان بصدّام، وماليله كان بالموت
...عييت مانعيش في المنام ونقول ميسالش خلّي الوقت يفوت
ملّيت من غنايات طير الحمام ومن حكاية عزوزة السّتوت
انس شويّة احلام، لا تربّحك ديما فاضحني يا صوت

قمع

اسكت، اسكت يا صوت

اسكت ماكثر حسّك وانت كي نزوة عند مكبوت
ماعاد راسي يطاوق ملام، ماعاد لايم الدنيا على بخوت
اسكت ما يفيد كلام، سكّر! حكمت عليك اعدام وبنيتلك في قلبي تابوت
امثالك ماليلهم كان بصدّام، وماليله كان بالموت
عييت مانعيش في المنام ونقول ميسالش خلّي الوقت يفوت
ملّيت من غنايات طير الحمام ومن حكاية عزوزة السّتوت
انس شويّة احلام، لا تربّحك ديما فاضحني يا صوت

من غير عنوان

نخدم؟ دقيقة واللّيل ليها،
نجبد القيتار؟ تسبقني وتشكيلها،
نشعّل سيقارو في الشبّاك...
القمرة تضوّيلها،
نجبد نفس، نخزّنه، ننفخ...
نخزر خزرة للسّيقارو متاع: ذوق ماقاعد نذوق،
وكان ما عجبكش أوكا قدّامك واحكيلها
وانا نشوف، كان فهمتّك تو نمسشيلها
اما وين...نارك شاعلة تاكل فيك، دخّانك عاميني ورمادك شكون يسأل عليه

هو يطير وين يحب...والعڨاب زادة

هو يموت عالزّيوان والخضار والشميسة ويعرف الّي العڨاب عمرو ما يقلّو كول معايا من لحم الجيفة ولّا نقصّلك جوانحك

في مدح الحصان

هي قصيدة أو ما يشبه نقلها العروي في حكاية من حكاياته عن أديب لم يذكر اسمه وحاولت ان أنقلها لكم وأرجو أن أكون قد وُفّقت في ذلك.

ملّا كوت مثلو لا يصرات عيني في مراكب الطبل

ريفي من سلالة سابڨات بوه جواد ماإيلو مثل

وأمّو من خيار العاتڨات علّها جوّدوا هاك الفحل

جابت كوت ما مثلو اكوات أحمر اللّون بهجة في النجل

عيونو في ضلام الغاسڨات شعلت نار من فوڨ الجبل

عريض الصدر وافي الڨايمات متين الظهر مردوع النفل

قصّو هايل وجوفو خوات ذيلو كرذ للكرع وصل

لجامو والخدود مكلّفات ذهب بريز ما فيهم دغل

سرجو بألف ليرة ثابتات ضرب مطرقة حديث الشغل

يشرب من حليب الشايلات علفو ڨمح وزيت النّخل

زين وذات عاتي بالثبات يوم الحرب ما ڨهرو بطل

جايك

جايك مشتاق، جايك تاعب، جايك فرحان، جاي نحكيلك اش صارلي ونسمع اش عملو فيك... اهلك واماليك، جايك نادم على فراقك، جايك نحبك تحملني وتقلي... انا منك وانت مني، جايك دموعي في عينيا ونحب نقلك نحبك، نعرف الي تحبني لكن ما تظهرش، نعرف الي تبدلت، ولا بدلوك؟ زعمة خاطر نكرو فيك؟ ولا كذبو عليك؟ مايهمش...حطّ في بالك الّي عمري ما نخلّيها بيك، وهوما لازم نهار تضربهم لحيوط ويرجعولك مترجّين، وكي عادتك تضمهم لصدرك الحنين، وعلى أرضك يا تونس يا غالية نعيشو مهنّين...آمين.

Pourquoi?

une réception chez eux

une réception chez nous